Sport24.az
"Qalatasaray"ın müdafiəçisi Viktor Nelsson klubdakı gələcəyi ilə bağlı qərar verib. Sport24.az "Fanatik" nəşrinə istinadən xəbər verir ki, danimarkalı futbolçu İstanbul təmsilçisindən ayrılacaq.
Abdulkerim Bardakçı ilə Davinson Sançesin kölgəsində qalan və əsas heyətə düşə bilməyən Nelsson qışda başqa kluba getmək niyyətindədir. Artıq onun xidmətində maraqlı olan klublar da var. İspaniya "Betis"i 26 yaşlı mərkəz müdafiəçisini "rənglərinə bağlamağı" planlaşdırır.
Qeyd edək ki, "Qalatasaray" Viktor Nelssonu 2021-ci ilin yayında "Kopenhagen"dən transfer edib. Danimarka millisinin üzvü bu mövsüm "sarı-qırmızılar"ın heyətində 10 rəsmi matçda meydana çıxıb.
