Sport24.az
Yeni mövsümün hazırlığını davam etdirən "Qalatasaray"ın heyətində ciddi itki baş verib. Sport24..az xəbər verir ki, Kaan Ayhan komanda ilə birlikdə təlim-məşq toplanışında iştirak etməyəcək. Bu barədə Türkiyə mətbuatı məlumat yayıb.
Türkiyə millisinin üzvü yaxın günlərdə əməliyyat olunacaq. 29 yaşlı dayaq yarımmüdafiəçisi 3-4 ay yaşıl meydanlardan uzaq qalacaq. Təcrübəli oyunçunun ən yaxşı halda noyabr ayında yaşıl meydanlara qayıdacağı gözlənilir.
Qeyd edək ki, "Qalatasaray" Ayhanı 2023-cü ilin yanvarında "Sassuolo"dan transfer edib. Təcrübəli futbolçu "sarı-qırmızılar"ın heyətində meydana çıxdığı 55 rəsmi matçda 2 qol və 3 məhsuldar ötürmə ilə yadda qalıb.
