İdman.biz
"Qələbəni əldən verdik".
İdman.biz xəbər verir ki, bunu "Osiyek"in baş məşqçisi Federiko Kopitelli deyib.
İtaliyalı mütəxəssis Konfrans Liqasının III təsnifat mərhələsinin "Zirə" ilə keçirilən ilk oyunu (1:1) şərh edib. Kopitelli səhvlərdən inkişaf edəcəklərini bildirib: "Bir səhv nəticəsində qələbədən olduq. Öz oyun üslubumuzu qoruduq. Rəqibə ciddi şans vermədik, onların hücumçularını zərərsizləşdirə bilmişdik. Dediyim kimi, biz səhvlər edərək inkişaf edəcəyik. Sona yaxın bəzi futbolçularımız yoruldu. Əgər oyun ərzində məndən "Zirə qol vuracaq?" soruşsa idilər, yox cavabını verərdim".
Qeyd edək ki, "Zirə" 90+6-cı dəqiqədə penalti zərbəsini dəqiq yerinə yetirib.
İdman.biz
