İdman.biz
"Mərhələ adlamaq üçün səfərdə əlimizdən gələni edəcəyik".
İdman.biz xəbər verir ki, bunu Konfrans Liqasının III təsnifat mərəhələsinin cavab matçında "Zirə" ilə qarşılaşacaq "Osiyek"in baş məşqçisi Federiko Kopitelli deyib.
Xorvatiyalı mütəxəssis Azərbaycan səfəri öncəsi klubun rəsmi saytında açıqlama verib. O, Bakıdakı oyunda onları çətin sınaq gözlədiyini bildirib: "Osiyekdə çox yaxşı oynadıq. Bəzən 93 dəqiqə ərzində yaxşı oynamaq qələbə üçün kifayət etmir. Qələbəyə layiq olsaq da, bir səhvlə onu əldən verdik. Bu, həm də rəqibin gücünü göstərir. İndi "Zirə" ev sahibidir, işimiz çətin olacağını bilirik. Amma biz hazırıq. Heyətdə gənclər var və onlara inanırıq. Sabah hansı variantı seçəcəyimizə qərar verəcəyik. Məqsədimiz Avropa kuboklarında davam etməkdir. Bakıya qələbə üçün gedirik".
Qeyd edək ki, "Zirə" ilə "Osiyek" arasında ilk görüş 1:1 hesabı ilə yekunlaşıb. Cavab matçı ayın 15-də 20:30-da start götürəcək.
İdman.biz
