Sport24.az
Ötən gün Konfrans Liqasının pley-off mərhələsinin ilk oyunları çərçivəsində Kipr səfərində cari mövsüm səfərdə məğlubedilməz olan kollektivimiz "Zirə" Nikosiya təmsilçisi "Omoniya"ya 6:0 hesabı ilə uduzub. Sport24.az xəbər verir ki, biri penaltidən olmaqla "qartallar"a 2 qol vuran rəqib hücumçu Villi Semedo Kipr mətbuatına maraqlı açıqlama verib.
O, ilk dəqiqələrdən yüksək azarkeş dəstəyinin və güclü pressinqin onlara fayda verdiyini dilə gətirib:
"Fanatlarımızn bizə nə qədər kömək edə biləcəyini və əldə etdiyimiz gücü bilirik. Məqsəd qələbə qazanmaq idi və biz buna nail olduq. Matçın əvvəlindən pressinq etməyimiz bizə çox fayda verdi, ilk dəqiqələrdə fərqlənməyimizdə oyunun axarını xeyrimizə dəyişdi. Rəqiblərə təzyiq edəndə azarkeşlərimiz "dəli olur" və bizə daha çox kömək edirlər. Çalışacam səfərdə də qol və ya qollar vurum".
Xatırladaq ki, "Zirə" - "Omoniya" cavab oyunu avqustun 29-da Bakıda baş tutacaq.
