Sport24.az
UEFA Konfrans Liqasında pley-off mərhələsinin oyunları davam edir. Sport24.az xəbər verir ki, bu turnirdə yeganə təmsilçimiz "Zirə" növbəti matçına çıxacaq. Avrokuboklarda ilk dəfə pley-offa yüksələn "qartallar" Kiprdə "Omoniya"nın qonağı olacaq. Rəqibin üzvü Velko Simiç oyundan gözləntilərini belə ifadə edib:
"Bu gün keyfiyyətli rəqib gözləyirəm. Qarşıda bizi çətin oyun gözləyir. Amma mən qəti şəkildə inanıram ki, öz oyunumuzu oynasaq, uğurlu nəticə qazanacağıq. Müsbət nəticə üçün nə etmək lazımdır? İndiyə qədər etdiyimiz kimi oynamağa davam etməliyik. Müdafiədə inamlı oynayıb, hücumda yaradıcı və dinamik olmaq lazımdır. Bu gün stadionun tam dolacağını gözləyirəm. Bu da bizə turnirin əsas mərhələsinə keçməyinə kömək ola bilər".
GSP stadionunda keçiriləcək görüş saat 21:00-da başlayacaq.
