Sport24.az
Almaniyanın "Cluc Fokus" nəşri "Nürnberq"də çıxış edən Azərbaycan millisinin futbolçusu Mahir Emreli haqqında yazıb. Sport24.az-ın məlumatına görə, 27 yaşlı hücumçunun II Bundesliqa təmsilçisinə daha çox xeyir verdiyi qənaətinə gəlinib.
Araşdırmaya əsasən, Mahir Emreli matçlara start heyətində başlayanda "Nürnberq" rəqib qapısı qarşısında daha təhlükəli olur. Forvard ilk "11-lik"də yer alan komandanın qol gözləntisi 1,5-dən 1,9-a, zərbələri 11-dən 14-ə, cərimə meydançasında topla hərəkətləri 16-dan 21-ə yüksəlir.
Qol nisbəti də öz sözünü deyir. Klub Mahirsiz 1,4, onunla birlikdə olanda isə 2,1 qol ortalamasına sahib olur.
Qeyd edək ki, "Nürnberq" II Bundesliqanın XXVI turunda "Qroyter Fyurt"u qəbul edəcək. Martın 16-da baş tutacaq görüş saat 16:30-da start götürəcək.
