Sport24.az
"Mən "Nefçi"ni dəstəkləyirəm və təbii ki, onların qələbə qazanmasını istərdim, amma bunun çox çətin olacağını da bilirəm". Bu sözləri Sport24.az-a "Neftçi"nin sabiq qapıçısı İvan Brkiç deyib.
Xorvatiyalı futbolçu Misli Premyer Liqasının XXIII turunda keçiriləcək "Neftçi" - "Qarabağ" oyunu haqqında fikirlərini bölüşüb.
"Nefçi" uzun müddətdir ki, "Qarabağ"ı məğlub edə bilmir. Rəqib həm çempionatda, həm də Avropada dominantlıq edən ciddi komandadır və hörmətə layiqdir. "Nefçi" üçün evdə oynamaq yaxşıdır və son 3 oyunda (3 qələbə) özünəinam qazanıb. Əminliklə deyə bilərəm ki, maraqlı olacaq və mən də bu matçı izləməyi səbirlizliklə gözləyirəm".
Qeyd edək ki, bu gün baş tutacaq Azərbaycan derbisi saat 19:00-da start götürəcək.
