Sport24.az
"Neftçi"nin legioneri Kilan Lebon Saint Martin millisinin heyətində növbəti oyununa çıxıb. Sport24.az xəbər verir ki, 27 yaşlı vinger KONKAKAF Millətlər Liqası çərçivəsində Qrenadayla matçda forma geyinib.
Qarşılaşma Saint Martinin 3:0 hesablı qələbəsi ilə bitib. İlk dəqiqələrdən meydana çıxan Lebon dublla yadda qalıb. Oyunun ən yaxşısı seçilən futbolçu 90+5-ci dəqiqədə əvəzlənib.
Qeyd edək ki, Saint Martin 6 oyundan sonra öz qrupunda 6 xalla sonuncu yerdədir. Qrupa Kurasao millisi 13 xalla liderlik edir. İkinci yerdə 9 xalla Saint Lusiya, 3-cü yerdə isə 7 xalı olan Qrenada qərarlaşıb.
