Sport24.az
"Neftçi" sevərləri, komanda yoldaşlarımı, məşqçilər heyətini və azarkeşlərimizi qələbə münasibəti ilə təbrik edirəm". Sport24.az xəbər verir ki, bu sözləri "Neftçi"nin futbolçusu Ağadadaş Salyanski deyib.
20 yaşlı hücumçu "Səbail"ə səfərdə 2:1 hesabı ilə qalib gəldikləri Misli Premyer Liqasının 27-ci turunun oyunları ilə bağlı fikirlərini bölüşüb:
"Çox ağır oyun alındı. Hava şəraitin demək istəyirəm. İlk hissədə çox isti idi. Süni meydanda oynamaq çətinlik yaradırdı. Buna baxmayaraq ilk yarıda iki top vura bildik. Lakin hissənin sonunda qapımızda qol gördük. Ümumi götürəndə pis oynamadıq. Bu futboldur. "Səbail" də hücuma çıxır. Gözlənilən idi".
Gənc forvard martın 22-də Haiti, üç gün sonra Belarusa qarşı keçiriləcək oyunlar üçün Azərbaycan millisinə dəvət alması ilə bağlı danışıb:
"Yığmaya çağırıldığım üçün çox sevincliyəm. Tam fərqli hisslərdir. Açığı, bunu gözləmirdim. Amma Fernandu Santuş güvəndi və milliyə çağırdı. Yığmaya dəvət aldığım üçün "Neftçi"dəki məşqçilər heyətinə, komanda yoldaşlarıma təşəkkür edirəm. Samir Abasov mənə inanır. Onun verdiyi şansdan maksimum yararlanmağa çalışacağam".
