Sport24.az
"Neftçi" heyətini yeni legioner qata bilər. Sport24.az xəbər verir ki, "Tobol" və Qazaxıstan millisinin sağ cinah yarımmüdafiəçisi İslam Çesnokov "ağ-qaralar"in maraq dairəsinə düşüb.
Qazaxıstan mətbuatının yazdığına görə, paytaxt klubu "Tobol"a sərfəli təklif edib və qarşı tərəf bununla razılaşıb. Amma hələlik futbolçu qərarını verməyib.
25 yaşlı futbolçu üçün Şotlandiyanın "Harts" klubu da təklif göndərib. Lakin "Tobol" Şotlandiya təmsilçisinin şərtlərindən razı qalmayıb.
Qeyd edək ki, Çesnokovun "Tobol" ilə müqaviləsinin müddəti bu ilin oktyabrında başa çatır. Futbolçu Qazaxıstan millisinin heyətində 11 oyuna çıxıb və 2 dəfə fərqlənib.
