Sport24.az
"Meydanda yaşananlara baş məşqçi cavab verə bilər. Ona suallarını matçlardan sonra ünvanlaya bilərsiniz"
Sport24.az xəbər verir ki, bu gün "Neftçi"nin media üzrə koordinatoru Rüstəm Əfsərlinin mətbuat konfransı təşkil edilib. "Neftçi Arena"da baş tutan mərasimdə "Ağ-qaralar"ın rəsmisi bu fikiləri səsləndirib:
"Klubun fəaliyyətini mətbuata çatdırmaq mənim vəzifə borcumdur. Digər məsələlərlə bağlı məndə dolğun informasiya olduğu üçün cavablandıra bilərəm. Baş məşqçi nəticələrə cavabdehdir. Mövsümün sonundakı uğursuzluq isə hamımıza aiddir. Çalışacağıq ki, ayda 2-3 dəfə bu cür mətbuat konfransları təşkil edək və komadanın durumu barədə danışaq. Müxtəlif media orqanlarından həftə ərzində suallar gəlir və bəzən bu suallar cavabını tapmır. Ona görə də belə qərara gəldik ki, bu cür konfransları artıraq"
Qeyd edək ki, Rüstəm Əfsərli mövsüm əvvəlində komandanın media kordinatoru vəzifəsinə təyin olunub.
