Sport24.az
Bu gün Misli Premyer Liqasında 24-cü tur start götürür. Sport24.az xəbər verir ki, ilk oyun günündə 1 matç keçiriləcək.
"Neftçi" "doğma divarlar" arasında "Sumqayıt"ı qəbul edir. Turnir cədvəlində qonşu olan komandaların oyunu maraqla gözlənilir. Bu komandalar arasında 1-ci dövrənin qarşılaşmasında 1:1 hesabı qeydə alınıb. 2-ci dövrədə isə "Sumqayıt" 2:0 hesabı ilə qalib gəlib.
"Ağ-qaralar" qalib gələcəyi halda 6-cı pillədə qərarlaşan "kimyaçılar"dan bir qədər də uzaqlaşacaq. Qonaqlar aktivinə 3 xal yazacağı halda isə turnir cədvəlində "Neftçi"ni ötəcək. Qonaqların qış fasiləsindən sonra qələbə və qol üzünə həsrət qalmasını da xüsusi vurğulamaq lazımdı.
Qeyd edək ki, oyunun start fiti saat 19:00-da səslənəcək.
Misli Premyer Liqası
III dövrə, XXIV tur
19:00."Neftçi" – "Sumqayıt"
Hakimlər: Tural Qurbanov, Asiman Əzizli, Kərim Zeynalov, Əli Əliyev
VAR: İnqilab Məmmədov
AVAR: Elşad Abdullayev
Hakim-inspektor: İmanxan Sultani
AFFA nümayəndəsi: Rüfət Əmirov
Bakı. "Neftçi Arena"
