Sport24.az
"Neftçi" klunu ciddi itki ilə üzləşib. Sport24.az-ın məlumatına görə, "ağ-qaralar"ın aparıcı futbolçularından Elvin Camalov cəzalı duruma düşüb.
Buna yarımmüdafiəçinin "Araz-Naxçıvan"la oyunda sarı vərəqə alması səbəb olub.
Milli üzvü cari mövsüm çempionatda dördüncü dəfə bu halla üzləşib. Camalov 2 dəfə sabiq komandası "Sabah"da, 2 dəfə isə "Neftçi"də sarı vərəqə görüb. O, aprelin 7-də "Şamaxı" ilə keçiriləcək səfər matçında iştirak edə bilməyəcək.
Qeyd edək ki, "Neftçi" - "Araz-Naxçıvan" oyununda qalib müəyyənləşməyib - 1:1.
