Sport24.az
Sabah Premyer Liqanın III turu çərçivəsində baş tutacaq "Nefrçi" - "Sabah" matçının yeri yenidən dəyişdirilib. Sport24.az-ın əldə etdiyi məlumata görə, paytaxt derbisi əvvəlcədən nəzərdə tutulduğu kimi "Live Bona Dea" stadionunda deyil, Zirə Olimpiya idman kompleksinin stadionunda baş tutacaq.
Buna səbəb "Zirə"nin müraciəti olub. Belə ki, Konfrans Liqasının III təsnifat mərhələsinin Kipr "Omoniya"sına qarşı ev görüşünün keçiriləcəyi "Live Bona Dea" stadionunun ot örtüyünün yüklənmədən qeyri-qənaətbəxş vəziyyətə düşə bilməsi ehtimalı böyük olduğu üçün qəsəbə təmsilçisi "ağ-qaralar"a və PFL-ə müraciət edərək öz stadionunu təklif edib. "Neftçi" rəhbırkiyi də öz növbəsində bu müraciəti müsbət cavablandırıb.
Qeyd edək ki, "Neftçi" - "Sabah" görüşü sabah saat 20:30-da start götürəcək.
