Sport24.az
"Neftçi" yeni mövsüm üçün transfer çalışmalrını davam etdirir. Sport24.az türkiyə mediasına istinadən xəbər verir ki, "ağ-qaralar" "Beşiktaş"ın iki futbolçusunun xidmətində maraqlıdır.
Hazırda baş məşqçisiz qalan bakılılar Emrecan Uzunhan və Aydın Hasiçi heyətinə qatmaq istəyir. Qarşıdakı günlərdə bu məsələ ilə bağlı razılığın əldə olunacağı bildirilir.
"Beşiktaş" Aydın Hasiçi 2020-ci ilin yanvar ayında Zaqreb "Dinamo"sundan transfer edib. 22 yaşlı vinger ötən mövsüm icarə əsasında Bosniya və Herseqovinanın "Sarayevo" klubunda çıxış edib. Bosniyalı oyunçu komandanın heyətində meydana çıxdığı 33 rəsmi matçda 9 qol və 6 məhsuldar ötürmə ilə yadda qalıb.
Emrecan Uzunhan isə 2022-ci ilin yayında "İstanbulspor"dan "Beşiktaş"a keçib. 23 yaşlı mərkəz müdafiəçisi başa çatan mövsümdə Superliqada bir oyunda iştirak edib.
