Sport24.az
"Neftçi" yeni hücumçu transfer edib Sport24.az xəbər verir ki, qambiyalı Dembo Darbo artıq "Neftçi"nin üzvüdür. 22 nömrəli formanı geyinəcək 26 yaşlı futbolçu ilə 2 illik müqavilə bağlanıb.
Bundan əvvəl müqavilə ilə BƏƏ-nin "Əl-Nəsr" klubuna məxsus olan Darbo icarə əsasında Qazaxıstanın "Astana" və "Ordabaşı" klublarında çıxış edib. Sonuncu mövsümdə Qazaxıstan çempionatında 8 oyunda meydana çıxıb, 3 qol və 1 məhsuldar ötürmə müəllifi olub.
Baş məşqçi Roman Qriqorçukun rəhbərliyi altında Soliqorsk "Şaxtyor"unda oynamış mərkəz hücumçusu 2021-ci ildə Belarus çempionatının və Superkubokunun qalibi olub. O, Qambiya milli komandasında 5 oyun keçirib. Onu da xatırladaq ki, ilk olaraq məhz Sport24.az Dembonun ölkənin ən köklü klubu ilə ortaq məxrəcə gəldiyi xəbətni paylaşıb.
