Sport24.az
Bu gün Misli Premyer Liqasının XXVII turu çərçivəsində daha 2 oyun keçiriləcək. Sport24.az xəbər verir ki, günün ilk qarşılaşması paytaxtda baş tutacaq.
Autsayder "Səbail" "Neftçi"ni qəbul edir. Elitanı tərk etməyə ən real namizəd olan "dənizçilər" üçün qazanılan hər xal və ya xallar qızıldan qiymətlidir. Düzdü, Cavid Hüseynovun çalışdırdığı komanda bu gün aktivinə 3 xal yazdırsa belə sonuncu pilləni tərk etməyəcək. Ancaq dünən "Qarabağ"la "sülh" bağlayan və 9-cu pillədə qərarlaşan "Kəpəz"lə xal fərqini azalda bilər.
"Ağ-qaralar" isə qələbə qazanacağı təqdirdə turnir cədvəlində "Şamaxı"nı keçərək 6-cı yerə çıxacaq.
Qeyd edək ki, bu komandalar arasında 1-ci dövrənin matçı 1:1 hesabı ilə bitib. 2-ci dövrədə isə "Neftçi" 3:1 hesablı qələbə qazanıb.
Misli Premyer Liqası
III dövrə, XXVII tur
16:00. "Səbail" - "Neftçi"
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
VAR: Rauf Allahverdiyev
AVAR: Kamran Bayramov
Hakim-inspektor: Babək Quliyev
AFFA nümayəndəsi: Elçin Mehtiyev
Bakı. "ASCO Arena"
