Sport24.az
"Qəza xəbərindən sonra mən və klubumuzun üzvləri çox üzüldük". Bu sözləri Sport24.az saytına açıqlamasında Aktau yaxınlığında AZAL-a məxsus təyyarənin qəzaya uğraması nəticəsində həlak olan 13 yaşlı Məhəmmədəli Eqanovun oynadığı "Gənclik" futbol klubun baş məşqçisi Vasif Rzayev deyib.
Rzayev Məhəmmədəlinin ən böyük arzusu futbolçu olmaq istəməsini bildirib:
"Təəssüf ki, qəzada həlak olanların içərisində futbolçumuz Məhəmmədəli Eqanovun adı var idi. Məhəmmədli gülərüz və hamının sevimlisi idi. Məşqlərə həvəslə yanaşırdı. Məqsədi futbolçu olmaq idi. Heyif ki, aramızdan tez getdi. Qəzada dünyasını dəyişənlərin ailələrinə səbr diləyirəm".
Xatırladaq ki, ötən gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Aktau şəhərində qəzaya uğrayan Bakı-Qroznı reysini yerinə yetirən "Embraer 190" təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub.
