Sport24.az
"Mançester Yunayted"in müdafiəçisi Dioqo Dalo karyerasını İspaniya La Liqasında davam etdirə bilər. Sport24.az xəbər verir ki, "Real" portuqaliyalı futbolçunu transfer etmək istəyir.
Bu barədə "Relevo" nəşri məlumat yayıb.
La Liqa nəhəngi Dalo üçün "Mançester Yunayted"lə danışıqlara başlayıb. İngiltərə klubu 25 yaşlı sağ cinah müdafiəçisi üçün "Real"dan 50 milyon avro tələb edir.
Qeyd edək ki, "Mançester Yunayted" Dioqo Dalonu 2018-ci ilin yayında "portu"dan transfer edib. Portuqaliya millisinin üzvü bu mövsüm "qırmızı şeytanlar"ın heyətində meydana çıxdığı 21 rəsmi matçda 2 qol ötürməsi ilə yadda qalıb.
