Sport24.az
"Mançester Yunayted"in həmsahibi Cim Ratkliff komandanın baş məşqçisi Ruben Amorimin işini şərh edib. Sport24.az xəbər verir ki, o, bu barədə BBC-yə açıqlama verib:
"Rubenin çalışdırdığı komandaya baxsanız, onun həqiqətən yaxşı iş gördüyünü düşünürəm. Fikrimcə, Ruben gələcəyi olan gənc məşqçidir. O, əla menecerdir və məncə, o, uzun müddət burada olacaq.
Onun nəyə qadir olduğunu anlamağa başlayırsınız. Fikrimcə, "Arsenal" ilə matç bir daha bunu göstərdi. "Arsenal"a qarşı ehtiyat oyunçular skamyasında neçə futbolçu tanıdınız? Onlardan neçəsi indiyə qədər "Mançester Yunayted"in formasını geyinib? Ruben əla iş görür.
O, əksər böyük məşqçilər kimi, emosional xarakterə malikdir. Ruben hələ mükəmməl deyil, amma böyük uğurlar qazanmaq potensialı olan mütəxəssisdir. O, hər oyun qalib gəlmək arzusu ilə alışıb-yanan futbolçularla dolu paltardəyişmə otağı istəyir".
