Sport24.az
"Mançester Yunayted"in icraçı direktoru Ömər Berrada klubun strukturunun transformasiyası və buna görə 150-200 əməkdaşın işdən çıxarılacağı barədə danışıb. Sport24.az xəbər verir ki, bu barədə klubun rəsmi saytında məlumat verilib:
"Biz "Mançester Yunayted"in kişi, qadın və akademiya komandalarının ən güclü mövqedə olmasını təmin etmək üçün məsuliyyət daşıyırıq. Biz klubu dəyişdirəcək və yeniləyəcək geniş spektrli fəaliyyətlərə başlayırıq.
Təəssüf ki, bu, mümkün əlavə ixtisarların olması deməkdir. Biz bunun həmkarlarımıza göstərəcəyi təsirdən dərin təəssüflənirik. Ancaq bu çətin qərarlar klubu sabit maliyyə vəziyyətinə qaytarmaq üçün lazımdır.
Son 5 ildə ardıcıl olaraq maliyyə itkiləri ilə üzləşmişik. Bu davam edə bilməz. Bizim iki əsas prioritetimiz var: meydanda uğur qazanmaq və klubun infrastrukturunu yaxşılaşdırmaq. Əgər biz daim pul itiririksə, bu məqsədlərə sərmayə qoya bilmərik".
Qeyd edək ki, bir müddət əvvəl xəbər verilmişdi ki, pula qənaət etmək üçün "Mançester Yunayted" işçiləri üçün pulsuz nahar yeməyini ləğv edib.
