Sport24.az
"Mançester Siti"nin mərkəz müdafiəçisi Manuel Akanci zədələnib. Sport24.az xəbər verir ki, o, Çempionlar Liqasının pley-off mərhələsinin "Real"la ilk oyununda (2:3) sıradan çıxıb.
Britaniya mətbuatında yayılan məlumatlara görə, 29 yaşlı futbolçunun zədəsi ciddidir. Bildirilir ki, o, cari mövsüm bir daha meydana çıxa bilməyəcək.
Futbolçunun klubla hazırkı müqaviləsi 30 iyun 2027-ci ilə qədərdir.
Bu mövsüm Manuel Akanci "Mançester Siti"nin heyətində 30 oyun keçirib və bir məhsuldar ötürmə verib.
