Sport24.az
İngiltərənin "Mançester Siti" klubu sağ cinah müdafiəçisi Joao Kanselonu birdəfəlik satmaq qərarına gəlib. Sport24.az xəbər verir ki, Səudiyyə Ərəbistanının "Əl-Hilal" kollektivi Kanseloya talib olub.
Tərəflər 30 yaşlı futbolçunun transferi ilə bağlı razılığa gəliblər. "Əl-Hilal" bu keçidə görə 35 milyon avro ödəyəcək. Portuqaliyalı oyunçu 2019-cu ildən "şəhərlilər"in heyətində top qovur. Joao son mövsümü icarə əsasında "Barselona"da keçirib. O, Kataloniya təmsilçisi ilə bütün turnirlərdə 42 matçda 4 qol vurub və 5 qolun ötürməsini verib.
O, ötən mövsümün əvvəlində "Mançester Siti"nin çalışdırıcısı Pep Quardiola ilə mübahisə etdiyi üçün heyətdən kənarlaşdırılmışdı.
