Sport24.az
"Bizi ağır oyun gözləyəcəyini bilirdik. Amma ehtimal etdiyimizdən də çətin qarşılaşma oldu. "Qarabağ" bir çox güclü klubları mübarizədən kənarlaşdırmağı bacarıb. Amma xoşbəxtik ki, gərgin keçən oyunda rəqibi istədiyi kimi oynamağı imkan vermədik, müdafiədə yaxşı çıxış etdik. Ən əsası əlimizə düşən fürsətlərdən maksimum yararlanaraq matçdan qalib ayrıldıq". Bu sözləri Sport24.az-a açıqlamasında "Ludoqorets"in futbolçusu Son deyib.
Bolqarıtan klubunun 30 yaşlı ispaniyalı oyunçusu cavab matçının daha ağır keçəcəyini vurğulamaqla yanaşı, mərhələnı adlayacaqlarını da bildirib: "İlk oyunda qələbə qazansaq da, hələ heç nə bitməyib. Bizi olduqca çətin cavab oyunu gözləyir. İnanıram ki, "doğma divarlar" arasında güclü azarkeş dəstəyi ilə rəqibi üstələyib mərhələni keçəcəyik".
Qeyd edək ki, avsustun 6-da Bakıda baş tutan görüşdə "Qarabağ" Bolqarıstan klubuna 1:2 hesabı ilə məğlub olub. Cavab qarşılaşması avqustun 13-də Razqradda baş tutacaq.
ABDULLA İSMAYILOĞLU
