Sport24.az
"Liverpul"un baş məşqçisi Arne Slot bu komandanın baş məşqçiləri arasında rekorda imza atıb. Sport24.az xəbər verir ki, Mersisayd təmsilçisinin yeni baş məşqçisi Premyer Liqada keçirdiyi ilk 10 matçda 8 qələbə qazanaraq bu uğuru əldə edib.
İndiyə qədər heç bir mütəxəssis "Liverpul"da bu qədər uğurlu nəticə göstərməyib.
Qeyd edək ki, mövsümün əvvəlində Slotun komandası "İpsviç", "Brentford", "Mançester Yunayted", "Vulverhempton", "Bornmut", "Kristal Pelas", "Çelsi" və "Brayton" üzərində qələbə qazanıb. Slotun komandası "Nottingem Forest"ə evdə uduzub, "Arsenal"la səfərdə heç-heçə oynamışdı.
"Liverpul" 10 turda 25 xal toplayıb və Premyer Liqanın turnir cədvəlində liderdir.
Bundan əvvəl Vilyam Konnel Premyer Liqanın ilk 10 matçında klubun məşqçiləri arasında ən yaxşı startı göstərmişdi: yeddi qələbə, üç heç-heçə.
Qeyd edək ki, niderlandlı mütəxəssis "Liverpul"la bu yay müqavilə imzalayıb və 2027-ci il iyunun 30-na qədər Mersisayd klubunu çalışdıracaq.
