Sport24.az
İngiltərənin "Liverpul" klubu müdafiə xəttini yeni oyunçu ilə gücləndirməyi planlaşdırır. Sport24.az xəbər verir ki, Premyer Liqa təmsilçisi "Nottingem Forest"də çıxış edən Murilyonu transfer etmək istəyir.
Bu barədə İngiltərə mətbuatı məlumat yayıb.
"Liverpul" braziliyalı mərkəz müdafiəçisini gələn ilin yayında heyətinə qatmağa çalışacaq. "Qırmızılar" 22 yaşlı arxa xətt oyunçusu üçün onun klubuna təklif göndərəcək.
Qeyd edək ki, "Nottingem Forest" Murilyonu ötən ilin yayında "Korintians"dan transfer edib. Braziliya millisinə dəvət alan futbolçu bu mövsüm "meşəbəyi"lərin heyətində meydana çıxdığı 11 rəsmi matçda 1 qol vurub.
