Sport24.az
Misli Premyer Liqasının 28-ci turunun ikinci oyun günü Sumqayıtda yekunlaşacaq. Sport24.az xəbər verir ki, şəhərin eyniadlı komandası "Sabah"ı qonaq edir.
"Kimyaçılar son iki matçı qələbə ilə başa vurub. Hazırda aktivində 28 xal olan komanda turnir cədvəlində yeddinci pillədə qərarlaşıb. "Bayquşlar" isə 35 xalla beşinci yerdədir. Vasili Berezutskinin baş məşqçisi olduğu kollektiv bu gün qalib gələcəyi halda dünən "Qarabağ"a məğlub olan "Turan Tovuz"la aralarındakı xal fərqini azalda bilər.
Cari mövsümdə "Sumqayıt" və "Sabah" arasında baş tutan 3 matçda tərəflər hərəyə 1 qələbə qazanıblar, 1 görüşdə isə qapılara qol vurulmayıb.
Qeyd edək ki, Misli Premyer Liqasında 28-ci tura sabah keçiriləcək 2 görüşlə yekun vurulacaq.
Misli Premyer Liqası
IV dövrə, XXVIII tur
19:00. "Sumqayıt" - "Sabah"
Hakimlər: Tural Qurbanov, Asiman Əzizli, Rəhman İmami, Elçin Məsiyev
VAR: Rauf Cabarov
AVAR: Akif Əmirəli
Hakim-inspektor: Asim Xudiyev
AFFA nümayəndəsi: Elgiz Abbasov
Sumqayıt. Mehdi Hüseynzadə adına şəhər stadionu.
