Sport24.az
Milli komandaların oyunlarına görə yaranmış fasilə başa çatdı. Sport24.az xəbər verir ki, bu gün artıq Premyer Liqada XIV tura start veriləcək.
14-cü oyun həftəsinin ilk günündə bir qarşılama baş tutacaq. Autsayder "Kəpəz" turnir cədvəlinin ikinci pilləsində qərarlaşan "Araz-Naxçıvan"ı qəbul edəcək.
Lider "Qarabağ"dan 1 xal geri qalan Elmar Baxşıyevin yetirmələri məğlubiyyətsiz seriyanı davam etdirmək üçün meydana çıxacaq. "Sarı-göylər"in də əsas hədəfinin 3 xal olduğu heç kimə sirr deyil. 9-cu pillədə olan "Səbail"in hesabat turunda ağdamlılarla qarşılaşacağını nəzərə alsaq, Gəncə təmsilçisinin naxçıvanlıları yenəcəyi təqdirdə sonuncu pilləni tərk etmək ehtimalı yetərincə böyükdü.
Qeyd edək ki, Elçin Məsiyevin ədaləti qoruyacağı matçın start fiti saat 17:00-da sələnəcək.
Misli Premyer Liqası
II dövrə, XIV tur
17:00. "Kəpəz" - "Araz-Naxçıvan"
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
VAR: Fərid Hacıyev
AVAR: Rəhman İmami
Hakim-inspektor: Ömər Paşayev
AFFA nümayəndəsi: Emin Cəfərov
Tovuz. Şəhər stadionu.
