İdman.biz
"Rəqibi qələbə münasibətilə təbrik edirəm. Komandanı 3 günə hazırlamışam".
İdman.biz xəbər verir ki, bunu "Kəpəz"in məşqçisi Xaliq Mərdanov deyib.
O, Azərbaycan Preyer Liqasının V turunda "Sabah"a 2:3 hesablı məğlubiyyəti şərh edib: "Bu müddət ərzində çox böyük iş görməmişik. Sadəcə motivasiyanı qaldırmışıq. Çalışırdıq ki, əks-hücumda oynayaq. İstəyimizə nail olmuşduq. Sadəcə təcrübə çatmadı ki, üstünlüyümüzü qoruyaq. Komandada elə böyük problem görmədim. Futbolçularda bir az ruh düşkünlüyü var. Onlara bildirdim ki, özlərinə inanmalıdırlar. Bütün fubolçulardan razıyam. Hamı əlindən gələni etdi. Bayaq da deyimim kimi, təcrübə çatmadı. Rəqib daha tücrübəli olduğu üçün bizi cəzalandırdı. Onların ustalıq səviyyəsi də bizdən üstün idi".
Qeyd edək ki, "Kəpəz" mövsümdə keçirdiyi bütün görüşləri uduzub.
İdman.biz
