Sport24.az
"İlk hissədə meydanda bərabər səviyyəli mübarizə getdi. Oyuna yaxşı köklənmişdik. Baş məşqçinin bizə verdiyi tapşırıqları yerinə yetirirdik". Bu sözləri Sport24.az-a "Kəpəz"in futbolçusu Dioqo Verdaska deyib.
28 yaşlı müdafiəçi "Zirə"yə səfərdə 0:2 hesabı ilə uduzduqları Misli Premyer Liqasının XXIV turunun matçı ilə bağlı fikirlərini bölüşüb:
"İkinci yarıda ilk 10-15 dəqiqə yaxşı oynadıq. Buraxdığımız ilk qoldan sonra komanda daha çox bölündü. Rəqib əks hücumlara çıxmağa başladı. Sonda 0:2 hesabı ilə məğlub olduq. Mənim üçün ədalətli nəticə deyil, amma bu, futboldur".
Portuqaliyalı oyunçu qarşılaşmanın startının yubanması ilə bağlı danışıb:
"Təbbi ki, görüşün gec başlaması bizə təsir etdi. Yemək və istirahət planını saat 16:00-da başlamaq üçün hazırladıq. Amma oyuna saat 19:00 radalərində start verməli olduq. Futbolçular saat 12:30-da nahar etmişdi və artıq oteldən də çıxmışdıq. Fikrimcə, bu matç keçirməməliydi. Qarşılaşma başqa tarixə təyin etmək olardı. Bir neçə gün də məşqsiz qaldıq, bütün bunlar sonradan oyunumuza təsir etdi. Biz insanıq, robot deyilik".
