Sport24.az
"İlk hissədə nəticəni həll edə bilərdik". Bu sözləri Sport24.az-a "Kəpəz"in kapitanı Yeqor Xvalko deyib.
27 yaşlı müdafiəçi "Şamaxı" ilə heç-heçə etdikləri Misli Premyer Liqasının XXIII turunun oyunu ilə bağlı fikirlərini bölüşüb:
"İkinci yarıda üç qol imkanımız oldu. Mənim səhvimə görə qapımızda qol gördük. Sonra bərabərliyi bərpa edə bildik. Matçdan sonra paltardəyişmə otağında hər kəs əsəbi idi".
Belarusdan olan oyunçu növbəti turda "Zirə"yə qarşı keçirəcəkləri matç haqqında da danışıb: "Bu görüşdə də xal qazanacağımıza ümid edirəm. Hər kəs bizim zəif kollektiv olduğumuzu düşünür. Ancaq təzyiqin öhdəsindən gələ biləcək təcrübəli futbolçularımız da var".
Qeyd edək ki, fevralın 23-də təşkil ediləcək "Zirə" - "Kəpəz" qarşılaşması saat 17:00-da start götürəcək.
