Sport24.az
"Kəpəz"in futbolçusu Rauf Hüseynli Sport24.az-a müsahibə verib. O, komandasının Premyer Liqada qalmaq şanslarını dəyərləndirib.
"Araz-Naxçıvan"a qarşı məğlub olduğunuz oyununuzu necə dəyərləndirərdin?
- Qalib gəlməyi çox istəyirdik. Birinci hissə istədiyimiz kimi alınmadı. İkinci hissə daha yaxşı oynamağa başladıq. Üstünlük bizim tərəfdə idi, sadəcə hücumda sonluğu gətirə bilmirdik.
"Neftçi" və "Sumqayıt" qələbə qazandı. Xal fərqi artır. Elitada qalmaq şanslarınız hər tur azalır sanki...
- Çempionat uzun marafondu. Hələ irəlidə çox oyunlar olacaq. Komanda olaraq əlimizdən gələni edəcəyik ki, Premyer Liqada qalaq.
"Səbail" büdcə və heyət baxımından sizdən üstündür. Elitada qalmaq mübarizəsinin bu iki komanda arasında gedəcəyini demək olar?
- Hələ mövsümün ortasındayıq. Fikir bildirmək çətindir. Hər bir komanda istənilən rəqibini məğlub edə bilər.
Hazırda "Kəpəz"in prioriteti nədir?
- Hər matçda sona qədər vuruşub, xal və ya xallar qazanmaq istəyirik.
Qarşıda "Şamaxı" səfəri var. Onlar da uzun müddətdir, qələbə qazana bilmir və azarkeşləri önündə üç xal üçün çox istəkli olacaq. Bu görüşdən gözləntiləriniz nədir?
- Çətin səfər oyunu bizi gözləyir. Maksimum nəticə qazanmaq üçün meydanda komanda şəkilində sona qədər mübarizə aparacayıq.
![Zaur Həşimov: "Şəfa"nın "Araz-Naxçıvan"la heç-heçə etdiyi oyunda dörd xalın əlimizdən alındığını düşünürəm [video]](https://sportnews.az/storage/thumbs/list/5dc28bc4-0794-4d2b-8957-a40e6a2e3f77.webp "Zaur Həşimov: \"Şəfa\"nın \"Araz-Naxçıvan\"la heç-heçə etdiyi oyunda dörd xalın əlimizdən alındığını düşünürəm [video]")
