Sport24.az
Bu gün Premyer Liqada IV tura start verilir. Sport24.az xəbər verir ki, həftənin ilk qarşılaşması "ASCO Arena"da baş tutacaq. "Səbail" "doğma divarlar" arasında "Kəpəz"i qəbul edir. Hər iki komanda mövsümə heç də yaxşı başlamayıb. 3 turdan sonra "dənizçilər"in hesabında 1 xal varsa da, "sarı-göylər" ümumiyyətlə xala həsrətdi. Elə bu səbəbdəndi ki, hər iki komanda turnir cədvəlinin zirzəmisində qərarlaşıb.
Son məlumata əsasən Gəncə təmsilçisi oyuna itkilərlə çıxacaq. "Kəpəz"in heyətində Tural Rzayev ilə Rojerio Santos oyunu buraxacaq. Sonuncu "Qarabağ" ilə matçda, Rzayev isə məşq prosesində zədələnib. Bu futbolçuların müalicəsi davam edir.
Qeyd edək ki, qarşılaşmanın start fiti saat 19:00-da səslənəcək.
