Sport24.az
Misli Premyer Liqasının 28-ci turu çərçivəsində baş tutan "Kəpəz" - "Səbail" oyunundan sonra Gəncə klubunun düşərgəsində təcili toplantı keçirilib. Sport24.az-ın əldə etdiyi məlumata görə, şəhərdəki otellərdən birində baş tutan görüşdə "sarı-göylər"in yeni sponsorları baş məşqçi Azər Bağırovu sorğu-suala çəkiblər.
Təxminən 3 saata yaxın davam edən iclasda klubun yeni himayədarları baş məşqçi ilə qarşıdakı turları müzakirə edib, komandanın elitada qalmasını tələb ediblər.
Qeyd edək ki, 28 turdan sonra aktivində 24 xal olan "Kəpəz" turnir cədvəlində 9-cu pillədə qərarlaşıb. Gəncəlilər sonuncu pilədə yer alan "Səbail"dən 5 xal çox toplayıb.
