Sport24.az
"Azərbaycanda "Kəpəz" və "Neftçi"də çox gözəl vaxtlarım keçib. Bunu Sport24.az-a bir müddət ölkəmizdə çıxış etmiş braziliyalı futbolçu Dario Frederiko deyib.
33 yaşlı vinger həm Gəncə, həm də paytaxt təmsilçisinin hazırda yaxşı dönəm keçirmədiyini bildirib: "Hər iki kollektiv çətin anlar yaşayır. Amma futboldur. Bunlar qaçılmazdır. Hər şey dəyişə bilər. İnanıram ki, tezliklə istədikləri nəticələri əldə edə biləcəklər".
Braziliyalı oyunçu öz karyerası və yenidən Azərbaycanda çıxış etmək ehtimalı barədə danışıb: "Hazırda klubsuzam. Hələlik Azərbaycana geri qayıtmaq şansım olmayıb. Amma təkliflərə açığam".
Qeyd edək ki, Dario Frederiko 2015-2017-ci illərdə və 2018-ci ildə "Kəpəz"də çıxış edib. Braziliyalı futbolçu 2018-ci ildə və 2019/2020 mövsümündə "Neftçi"nin formasını geyinib.
