Sport24.az
Bu gün Misli Premyer Liqasında 12-ci tura yekun vurulacaq. Sport24.az xəbər verir ki, son oyun günündə 2 matç keçiriləcək.
Əvvəlcə meydana turnir cədvəlinin zirzəmisində qərarlaşan komandalar çıxacaq. Son pillədə qərarlaşan "Kəpəz" 9-cu yerdəki "Səbail"i qonaq edəcək. "Dənizçilər" səfərdən 3 xalla dönəcəyi halda "Neftçi"dən önə çıxacaq. nominal meydan sahibləri isə qələbə qazanacağı təqdirdə paytaxt klubu ilə fərqi minimuma endirəcək.
Qeyd edək ki, Tovuzda keçiriləcək matçın start fiti saat 16:00-da səslənəcək.
Misli Premyer Liqası
II dövrə, XII tur
16:00. "Kəpəz" - "Səbail"
Hakimlər: Kamal Umudlu, Vüsal Məmmədov, Zöhrab Abbasov, Kamran Əliyev
VAR: Cavid Cəlilov
AVAR: Teymur Teymurov
Hakim-inspektor: Rəhim Həsənov
AFFA nümayəndəsi: Seymur Səlimli
Tovuz. Şəhər stadionu.
