Sport24.az
"Kəpəz" legioner transferi susqunluğuna son qoydu. Sport24.az-ın əldə etdiyi məlumata görə, Gəncə təmsilçisi birdən birə 3 furbolçu ilə müqavilə imzalayıb.
Bunlar malili Lassana N'Diaye, Karim L'Kouçavə Redon Mihanadı.
24 yaşlı malili N'Diayenin son klubu Bolqarıstan "Botev"i olub. O, sol cinah yarımmüdafiəçisi kimi cəlb olunsa da, mərkəz hücumçusu mövqeyində də çıxış edə bilir.
Mərakeşli L'Kouçanın da 24 yaşı var və o, sağ cinah yarımmüdafiəçisidi. Son mövsümü "Santa Koloma" klubunda keçirən Karim Andorra çempionatının ən yaxşı futbolçusu seçilib.
Albaniyadan olan Redon Mihananın 25 yaşı var. Mihana yarımmüdafiənin hər iki cinahda oynamaqla yanaşı, mərkəz hücumçusu mövqeyində də oynaya bilir. Son klubu Albaniyanın "KF Erzeni" klubu olub ki, burada sol cinah yarımmüdafiəçisi kimi oynayıb.
Daha bir transfer isə hələ rəsmiləşməsə də, yaxın günlərdə təsdiqini tapacaq. Söhbət qapıçı mövqeyindən gedir ki, bu, portuqaliyalı Rojerio Santosdu. 25 yaşlı qolkiperin son klubu Portuqaliya "Vilaverdense"si olub.
Qeyd edək ki, müqavilə imzalanan hər bir futbolçuya ilə 2 illik anlaşma əldə edilib.
