Sport24.az
"Düşünürdüm ki, "Kəpəz"də qalacam. Çünki, komandadan gedəcəyim barədə kimsə nəsə deməmişdi. Lakin, toplanış başlayandan bir neçə gün sonra Adil müəllim "özünə yeni komanda tap" deyib, düşərgədə qalmayacağımı bildirdi. I Liqanın iddialı və Premyer Liqa klubları artıq özlərinə qapıçı tapıblar deyə, çıxılmaz vəziyyətə düşdüm". Bu sözləri Sport24.az-a açıqlamasında Kamran İbrahimov deyib.
Ancaq 25 yaşlı qolkiperin klubsuz günləri çox çəkməyib. "Karvan" onu "rənglərinə bağlayıb". İbrahimov saytımıza açıqlamasında Yevlax klubuna keçidi barədə də danışıb: "Mövcud şəraitdə ən uyğun seçim "Karvan" oldu. Yevlax təmsilçisi ötən il pis çıxış etməyib. Bu mövsüm də onlar çempionluğa iddialıdılar. Bu yolda komandam üçün əlimdən gələni edəcəm. Karyeramın yeni səhifəsində uğur qazanmaq istəyirəm".
Qeyd edək ki, Kamran 2022-ci ilin yayında "Kəpəz"lə anlaşıb. Qapıçı karyerası ərzində Premyer Liqada ümumulikdə 21 oyuna çıxıb.
ABDULLA İSMAYILOĞLU
