Sport24.az
"Jirona" heyətini yeni futbolçu ilə gücləndirib. Sport24.az xəbər verir ki, bu barədə klubun mətbuat xidməti məlumat yayıb. Kataloniya təmsilçisi İngiltərə "Uotford"undan Yaser Asprillianı transfer edib.
20 yaşlı yarımmüdafiəçi ilə 6 illik müqavilə imzalanıb.
İnsayder Fabrizio Romanonun yaydığı məlumata görə, "Jirona" futbolçu üçün "Uotford"a 18+7 milyon avro ödəyib. Bu isə klub tarixinin transfer rekordudur.
Qeyd edək ki, Yaser ötən mövsüm 47 matçda 6 qol, 8 məhsuldar ötürmə ilə yadda qalıb.
