Sport24.az
"I Liqada ikinci yeri tutmaq üçün mübarizə aparırıq". Bu sözləri Sport24.az-a açıqlamasında "İmişli"nin futbolçusu İdris İnqilablı deyib.
23 yaşlı yarımmüdafiəçi çempionatdakı çempion komandanın böyük ölçüdə bəlli olduğunu bildirib:
"Birinci yeri tutacaq komanda demək olar ki, məlumdur. "Qəbələ"nin çox yaxşı şəraiti, bazası, stadionu var".
İnqilablı komandasının hədəflərindən söz açıb:
"Bizim kollektiv də çox yaxşıdır. Elitaya çıxmaq üçün əlimizdən gələni edirik. Yerli azarkeşlər də bunu bizdən gözləyirlər. Onlar komandalarını Premyer Liqada görmək istəyirlər. Mən daha əvvəl Premyer Liqada da oynamışam, burada təcrübəm var. Yenə də özümü göstərib həmin çempionata qayıtmaq niyyətindəyəm".
Qeyd edək ki, "İmişli" bu gün I Liqanın XVIII turunda "Baku Sportinq"in qonağı olacaq.
