Sport24.az
"Barselona"nın baş məşqçisi Hans-Diter Flik son vaxtlar tənqid olunan İspaniya hakimlərindən danışıb. Sport24.az xəbər verir ki, bu barədə AS nəşri məlumat yayıb.
Mütəxəssis deyib:
"Hakimlərlə baş verən fəlakətdir. Biz onların ailələri haqda düşünməliyik. Hamımız səhv edirik. Bu cür səhvlərin qarşısını almaq üçün indi VAR mövcuddur. Hakimləri qorumalıyıq".
Qeyd edək ki, daha öncə "Osasuna" - "Real" matçında (1:1) qonaqların futbolçusu Cud Bellinqemə qırmızı vərəqə göstərən hakim Xose Munuero Montero çoxsaylı tənqidlər və hədə-qorxularla rastlaşıb. Həmçinin İspaniya Kral Futbol Federasiyası onun futboldan kənar işləri ilə bağlı araşdırmaya başlayıb. Montero araşdırma davam etdiyi dövrdə heç bir rəsmi matça idarə edə bilməyəcək.
