Sport24.az
"Qalatasaray"ın baş məşqçisi Okan Buruk Avropa Liqasının pley-off mərhələsinin cavab oyunları çərçivəsində "AZ Alkmaar"la matçdan (2:2) sonra diqqətçəkən açıqlamalar verib. Sport24.az xəbər verir ki, İstanbul təmsilçisi Niderland klubu ilə ilk görüşdə 1:4 hesabı ilə uduzduğu üçün turnirdə mübarizəni dayandırıb.
O.Buruk isə uğursuzluğu heyətin zəngin olmaması ilə əlaqələndirib. O, transfer pəncərəsində bəzi futbolçuları komandada saxlaya bilmədiklərini deyib:
"Lemina kimi futbolçunu saxaya bilmədik. Frankovski, Eren Elmalı, Ahmet Kutucu... Bəzən işlər istədiyiniz kimi getmir. Məsələ budur ki, istədiyin futbolçunu kluba gətirmək həmişə alınmır. Verdiyin pul kifayət etmir. Transfer dövrü bizim işimizi çətinləşdirən amillərdən biri oldu. Futbolçu "Mən artıq sizinlə oynamaq istəmirəm" deyirsə, siz artıq onu saxlaya bilmirsiniz. Komandada saxlamaq istədiyimiz, amma qalmaq istəməyən futbolçular oldu. Adlarını çəkmək fikrim yoxdur. Bu da bizim üçün bir dərs olacaq".
