Sport24.az
"Fulhem" braziliyalı hücumçu Villianı "rənglərinə bağlayacaq". Sport24.az xəbər verir ki, bu barədə tanınmış insayder Fabrizio Romano X sosial şəbəkəsindəki səhifəsində (keçmiş Twitter) xəbər paylaşıb.
Qeyd olunur ki, tərəflər artıq şifahi razılığa gəliblər və yalnız formal məsələlərin həlli qalır.
Villianın son klubu 2024-cü ilin dekabrında tərk etdiyi "Olimpiakos" olub.
Qeyd edək ki, braziliyalı forvard karyerasının böyük hissəsini "Çelsi"də keçirib. O, 7 il (2013-cü ildən 2020-ci ilə kimi) "zadəganlar"ın formasılnı geyinib. Villian London klubu ilə iki Premyer Liqa titulunu, bir Liqa Kubokunu, bir İngiltərə Kubokunu və bir Avropa Liqasını qazanıb. Cinah oyunçusu həmçinin "Korintians", "Şaxtyor", "Anji", London "Arsenal"ı və "Fulhem"də də çıxış edib.
