Sport24.az
"Qırmızı vərəqədən sonra hesabı tez bərabərləşdirməyimiz həlledici oldu.Beynəlxalq turnirlərdə səfər oyunları asan olmur. Gözlənildiyi kimi matç ağır keçdi". Sport24.az xəbər verir ki, bunu "Fehervar"ın kapitanı Tobias Kristensen deyib.
Konfrans Liqasının II təsnifat mərhələsində "Sumqayıt"la oyunda bərabərlik qolunun müəllifi əldə olunmuş üstünlüyü ev matçında qorumaq istəyində olduqlarını bildirib: "Evə qələbə ilə döndüyümüz üçün çox sevinirik. Cavab matçı ərəfəsində yaxşı nəticə qazanmışıq. Doğma azarkeşlər qarşısında da bu əhval-ruhiyyədə qələbə əldə etməyə çalışacağıq. Bizim cəmi 1 top üstünlüyümüz var və ona görə də ağıllı oynamalıyıq. Fərqləndiyim üçün çox şadam".
Qeyd edək ki, dünən baş tutan görüşdə "Sumqayıt" "Fehervar"a 1:2 hesabı ilə məğlub olub.
