İdman.biz
"Sumqayıt"ın futbolçuları fiziki cəhətdən güclüdür və yüksək keyfiyyətə malikdir".
İdman.biz xəbər verir ki, bunu "Fehervar"ın gənc futbolçusu Milan Pete deyib.
19 yaşlı futbolçu Konfrans Liqasının II təsnifat mərhələsinin cavab matçı ilə bağlı fikirlərini bildirib. Pete komandanın şanslarından danışıb: "Cavab oyununda ilk görüşdəki kimi çıxış etməliyik. Bu zaman evdə qələbə qazanmaq və mərhələ adlamaq üçün şansımız olacaq. Doğma azrkeşlər qarşısında ilk oyunumuzu səbirsizliklə gözləyirəm. Ümid edirəm tribunalar dolu olacaq. Mövsümün ilk iki matçında meydana çıxdığım üçün çox şadam. Məqsədim komandaya fayda verməkdir".
Qeyd edək ki, "Fehervar" ilk oyunda "Sumqayıt"da 2:1 hesabı ilə qalib gəlib. Cavab matçı sabah 21:00-da start götürəcək.
İdman.biz
