Sport24.az
"Çelsi"nin baş məşqçisi Enzo Mareska İngiltərə Premyer Liqasının 26-cı turunda "Sauthempton" matçından (4:0) danışıb. Sport24.az xəbər verir ki, o deyib:
"Bu, çox vacib idi, çünki artıq bilirik ki, hər oyun vacibdir. Biz şadıq ki, 3 xal qazandıq. Bilirik ki, xal itirsək, turnir cədvəlində aşağı pillələrə düşəcəyik, qələbə qazansaq isə yuxarılara irəliləcəyik. Ona görə hər şey bizim öz hisslərimizlə necə mübarizə aparacağımızdan asılıdır.
Oyunçulara dedim ki, nəticə baxımından ən pis dövrü yaşayırıq. Amma 4-cü yerdəyik və 3-cü yerdən bir xal geridəyik - bu, bizim ən pis dövrümüzdür. Ona görə də bu, çox şeyin göstəricisidir. Həmçinin onu göstərir ki, mövsümün ilk hissəsində yaxşı çıxış edirdik və indi ən yaxşı şəkildə bitirməliyik".
Qeyd edək ki, "Çelsi" turnir cədvəlində 46 xalla 4-cü yerdədir.
