Sport24.az
Çempionlar Liqasının pley-off mərhələsində "Qarabağ"la qarşılaşacaq Zaqreb "Dinamo"su oyunöncəsi istirahətə də vaxt ayırıb. Sport24.az xəbər verir ki, Xorvatiya təmsilçisi matçdan bir gün əvvəl Bakını gəzməyə çıxıb.
Qonaqlar paytaxtın görməli yerlərini ziyarət ediblər. Günün ilk yarısını gəzintiyə həsr edən Xorvatiya çempionu axşam saatlarında oyunöncəsi son məşqinə çıxacaq.
Qeyd edək ki, sabah Tofiq Bəhramov adına Respublika stadionunda keçiriləcək "Qarabağ" – "Dinamo" qarşılaşması saat 20:45-də başlayacaq.
