Sport24.az
Premyer Liqanın XV turunun ilk oyun gününə masazırda yekun vurulacaq. Sport24.az xəbər verir ki, "Sabah" öz meydanında "Səbail"i qonaq edir.
Həftəiçi yeni baş məşqçi ilə anlaşan "bayquşlar"ın autsayderlər qrupunda yer alan "dənizçilər"lə görüşdə necə təsir bağışlayacağı maraqla gözlənilir. Vasili Berezutskinin Masazır klubuna hansı yeniliklər gətirdiyini bu qarşılaşmada müəyyən qədər görə bilərik. Əslində qonaqların çalışdırıcısı Cavid Hüseynov da postunda yenidi. "Səbail" onun rəhbərliyi altında yalnız bir görüşə çıxıb. O da məlumdu ki, hər iki mütəxəssisin özünəxas oyun fəlsəfəsini futbolçulara aşılamaq üçün zamana ehtiyacı var. Ancaq bu görüşdə xal itkisi gələcəkdə hər iki komandaya baha başa gələ bilər.
Qeyd edək ki, "Bank Respublika Arena"da keçiriləcək matçın start fiti saat 19:00-da səslənəcək.
Misli Premyer liqası
II dövrə, XV tur
19:00. "Sabah" - "Səbail"
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev
VAR: Rauf Allahverdiyev
AVAR: Rəhman İmami
Hakim-inspektor: Ramil Diniyev
AFFA nümayəndəsi: Elgiz Abbasov
Masazır. "Bank Respublika Arena"
