Sport24.az
"Haiti millisi barədə nəsə demək düzgün olmaz". Bu sözləri Sport24.az-a Azərbaycan millisinin sabiq futbolçusu Rahid Əmirquliyev deyib.
Yarımmüdafiəçi yığmanın Haiti və Belarusa qarşı keçirəcəyi yoldaşlıq oyunları ilə bağlı fikirlərini bölüşüb:
"Haitinin hansısa oyununu görməmişəm. Necə komanda olduqlarından, nə cür oynadıqlarından xəbərim yoxdur. Belarus isə bizim millinin dişinə görə rəqibdir. Haitini isə bilmirəm. Amma ümumi götürəndə hər ikisi ilə oynaya bilərik".
Əmirquliyev millinin uzun müddət meydana çıxmadığını xatırladıb:
"Yəqin ki, baş məşqçi yeni futbolçuları da yoxlayacaq. Bu matçlarda nəticə o qədər vacib olmasa da, əsas yığmanın yaxşı oyun sərgiləməsidir. Futbolçuların özlərini necə göstərməsindən çox asılıdır. Bu matçlarda görəcəyik ki, gələcəkdə nəyəsə ümid etmək olarmı? Rəqiblərin hər ikisi komandanın dişinə görədir. Millimizə uğurlar arzulayıram".
